Home Project-material NTULERIKOTA OLUNDI ACHI NA IGBO IZUGBE

NTULERIKOTA OLUNDI ACHI NA IGBO IZUGBE

Dept: LINGUISTICS AND COMMUNICATION File: Word(doc) Chapters: 1-5 Views:

Abstract

Asusu obula di n’uwa nwere olundi e jiri mara ya. Asusu Igbo, dika otu n’ime asusu ato e nwere na Naijiria nwere olundi di iche iche ma nwekwaa Igbo Izugbe e jiri mara obodo niile na-asu asusu Igbo. N’edemede nchocha a nke isi okwu ya bu Ntulerikota olundi Achi na nke Igbo Izugbe, e lebara anya n’olundi Achi iji choputa myiri na ndiiche di n’etiti ya na Igbo Izugbe. Nwanchocha malitere site n’inye nkowa banyere ebe isiokwu a gbadoro ukwu. E nyere nkowa banyere olundi na Igbo Izugbe putara. A kowakwara abumnobi nchocha a nke gunyere ikwalite asusu Igbo. E metutakwara aka n’uru di iche iche nchocha a baara nwanchocha, umuakwukwo, ndinkuzi ndi ga-agu ya n’odinihu na ndi ga-eme nchocha nay a tinyere ndi nwere mmasi n’asusu Igbo. Nihi na nchocha nke e mere bu nke sovee, nwanchocha gara n’ogbe iri na abuo di n’Achi gbaa ndi okenye ajuju onu. E kere ndi maara aguede akwukwo ajuju nke ha zakwara. A kowakwara maka okere nchocha ebe a noro kowaputa na o bu naani Igbo a sur
1.0 OKWU MMALITE

N’elu uwa dum mmadu bi, obodo obula nwere olundi e ji mara

ya. O bu nihi nke a ka eji esite n’asusu mmadu mara obodo onye

ahu si. Asusu bu ihe mmadu ji akowaputa echiche ya, o bukwa

asusu ka mmadu na ibe ya ji enwe mmekorita nke ikwurita okwu.

Anumanu enweghi asusu, o bu naani mmadu bu anu nwere asusu

puru iche o ji enwe mmekorita n’etiti ya na ibe ya.

Crystal (1971) kowara asusu dika udaolu mmadu a haziri ahazi

n’udi nke na-abughi ebumputa uwa mmadu n’onwe ya mebere e ji

akowaputa echiche site n’okwu onu ma obu ederede. Nkowa nke a

gosiputara na o bu mkpa mmadu nwere ime ka a mara ihe o bu n’obi

kpalitere asusu. Nchoputa a choputara gosiri na e nwere ihe kariri

nari asusu abuo na iri ise n’ime obodo anyi bu Naijiria. Asusu ndi

putakariri ihe bu Igbo, Hausa na Yoruba. Asusu na-enwe olumba na

olu onye nke a bu out njirimara asusu. Asusu Igbo nwere otutu

11

olumba mejuputara ya nke ndi okammuta ufodu dika Ikekonwu

(1985) kwuru na ekeree ya uzo isii, ka e si asu ya na obodo ebe naasu ya gunyere;

1. Igbo ndi owuwa anyanwu Naija

2. Igbo ndi odida anyanwu Naija

3. Olundi mgbago ugwu

4. Igbo Nnon’etiti

5. Igbo Cross River

6. Olundi Ohaji/Eghema

Igbo Izugbe, dika e si ahuta ya; Anozie (1999) kwuru na e nwere

ike iwere otu asusu kwuuru onwe ya maobu otu n’ime olumba

mebere asusu obula jiri ya mebe Igbo Izugbe. Ihe di mkpa bu ileba

anya were asusu maobu olundi nke mmadu niile nwere nmasi nay a

jiri ya mere asusu izugbe. Nkowa nke a gosiri na o bu site n’olundi di

iche iche ka e si achikoba ya. Nke a gosiri n o bu ihe di ezigbo mkpa

ileba anya n’olu ndi iche iche iche mebere asusu Igbo ka wee site na

ha mee ka asusu Igbo na-eto eto etu okwesiri. O bu nkw a so n’ihe

12

kpaliri mmuo nwanchocha ime nchocha banyere olundi obodo ya bu

Achi site n’itulerikota ya na Igbo Izugbe.

1.1 MGBAKWASA ISIOKWU

Asusu Igbo bu otu n’ime asusu ato kacha puta ihe na Naijiria ma

burukwa otu n’ime asusu e ji eme nchocha n’ogo di elu. Nihi ya ka o

ji di ezigbo mkpa ileba anya n’isi okwu nchocha a bu Nkulerikota

olundi Achi na Igbo Izugbe.

Otutu mgbanwe adila n’ebe asusu Igbo di nihi obibia nke uka

na agumakwukwo nke ndi ocha biara n’ala Igbo wetara. O bu ihe

doro anya na asusu bu otu n’ime omenala e ji amata agburu obula,

mana a bia n’obodo anyi bu Naijiria taa, a ga-achoputa na oke

agumakwukwo na mmepe di iche iche e meela ka agburu ufodu

tumadu agburu Igbo na-eleda asusu ha anya ma nwee oke mmasi

n’iwelite asusu agburu ndi ozo okasi asusu Bekee. O bughi naani na

Igbo Izugbe na-alaghachi azu, kama nke jogburu onwe ya bu na

mperimpe asusu di iche iche olundi mejuputara Igbo Izugbe naanwuzi anwu. Ekele diri otu iwelite asusu na omenala ndi Igbo

13

(SPILC) bu otu gbadosiri ukwu ike n’ala si na asusu Igbo agaghi ada

n’ala ma obu nwuo anwu.

Emenchocha a gbodoro ukwu na mkpu ndi huru asusu Igbo

n’anya, na’eti wee leba anya n’olu ndi Achi ka otu n’ime olundi di iche

iche mejuputara Igbo izugbe iji chetara umu Igbo na o ga-abu

nnukwu ihe nwute ma a hapu asusu Igbo ka nwuo pii. Olundi obula

bu onyinye puru iche Chineke nyere ha iji nwee mmekorita n’etiti ha

na ibe ha, o buy a mere nwanchocha jiri huta ya dika ihe bara uru

ma dikwa oke mkpa ileba any n’olundi obodo ya.

1.2 NSOGBU NCHOCHA

O nwere nsogbu di iche iche a choputara n’emenchocha a.

nwanchocha choputara na otutu ndi Achi anaghizi enwe mmasi n’isu

asusu Achi. Otutu n’ime ha amaghi ka e si asu asusu ahu ma ncha,

nihi oke apumije na mmepe. Nke a mere ka asusu Achi na-alaghachi

azu.

Nsogbu ozo bun a mgbanwe di iche iche na-abata

n’agumakwukwo nke mere na a na-ele onye a maghi asu asusu

14

Bekee dika onye amaghi akwukwo, nke a mere ka nne na nna bu ndi

kwesiri iji olundi zulite umu ha na-agba nnukwu mbo iji asusu Bekee

wee tooro umu ha nto ala asusu ngwa ngwa ha malitere ikwu okwu.

Onodu a nyere nsogbu nke ukwu maka na o na-eme ka asusu Achi di

ka asusu na-abaghi I’ihe.

Nsogbu ozo enwere bu n’ichota ndi okenye maara maka asusu

Achi nkeoma. Otutu n’ime ndi okenye anwuola, ndi foduru afodu,

nghota anaghi adizi n’okwu ha nihi na ha akaala nka nka ukwu. Ozo

bun a ngwakorita olu ndi Achi na olundi ndi ozo ha na ha gbara

agbata obi, nke a mere ka ndi nke kana asu asusu Achi ghara idi naasu asusu ahu kpomkwem.

Nke ozo bun a e nweghi akwukwo e dere banyere olundi di iche

iche e nwere n’asusu Igbo tinyekwara na asusu bu ihe omimi ma

sikwaa ike na ntule nke mere na e mebeghi otutu nchocha banyere

olumba Achi.

Nsogbu ozo bun a ihere na-eme umu akwukwo obuladi ndi

nkuzi bu ndi Achi iziputa ihe ha bu n’obi mgbe ha na-aza ajuju a juru

15

ha. Ufodu ndi a gbara ajuju onu eweputachaghi ihe a turu anya n’ihi

na ihere isuputa olundi Achi na-eme ha.

1.3 EBUMNUCHE NCHOCHA

O na-enwe ihe mmadu bu n’uche mgbe obula o na-amalite ime

ihe; nihi ya nwanchocha nwere ihe kpaliri mmuo ya ime nchocha

n’isiokwu a bu Ntulerikota olundi Achi na Igbo Izugbe. Nwanchocha

choputara na e mebeghi nchocha n’olundi Achi n’uzo putara ihe nke

oma. O bu ya mere na ihe mbu bu ebumnobi nchocha a bu ileba

anya n’olundi Achi. Ebumnobi na-aga esite n’udi nchocha a wee mee

ka nwa afo Igbo obula, tumadu ndi Achi mara na olundi ha bu

onyinye amara Chukwu nyere ha nke kwesiri ka ha jidesie ike.

Ebumnobi ozo e jiri mee nchocha a bu ka e site nay a nye aka

iwelite asusu na omenala Igbo maka na o bu ihe ifufe isi na ndi Igbo

na-ahapuzi ihe a kuru na-agba ihe ozo n’ihe gbasara isu asusu ha. O

bughi naani na nwanchocha choro isite na nchocha nke a mee ka a

mata ileda asusu Igbo anya ma sitekwa n’uzo di otu a welite asusu

Igbo site n’ituputa ihe ndi di mkpa n’olundi Achi ga-enyere Igbo

16

izugbe aka iji na-eto eto.

1.4 URU NCHOCHA

A bara n’ime nchocha a nke isiokwu ya bu Ntulerikota olundi

Achi na Igbo Izugbe. Nihi olile anya e nwere na o ga-abara

ohanaeze uru. Ufodu n’ime uru ndia bu na –

1. O ga-enyere umuakwukwo na-amu maka asusu aka ighota ihe

bu olundi na Igbo izugbe na imata myiri na ndiche din a ha.

2. Ndi nkuzi ga-eritekwa uru na nchocha a nihi na o ga-eme ka

mmuta ha nwere bawanye uba n’ebe olundi na Igbo izugbe di.

3. Ihe mmuta sitere na nchocha a ga-emekwa ka oha na eze

tumadu ndi Achi ghota na asusu ha bara uru ma burukwa nke

na-ekwesighi ka o na-eme ha ihere.

4. Nchocha a bara uru nye ndi ozo ga-eme nchocha n’udi isiokwu

a n’odinihu.

5. Nchocha a ga-eme ndi mmadu ghota na asusu bu ihe di mkpa

ma burukwa ihe kwesiri ka e chekwaa ka ogbo ndi na-eso

na’azu wee nwee mmasi ijidesi ya ike.

17

1.5 OKERE NCHOCHA

O bu eziokwu na olundi Igbo abughi otu ma o bu otu ihe ka ha na

ekwu. N’edemede nchocha a, a ga-eleba anya n’ihe banyere olundi

Achi na ntulerikota ya na Igbo izugbe. Ihe ozo a ga-eleba anya bu

bu usoro odidiudasusu mkpurudasusu, usoromkpoputa na-abata

n’olundi Achi nke puru iche n’igbo izugbe.

AJUJU NCHOCHA

1. E nwere mmetuta n’etiti olundi Achi na nke Igbo Izugbe?

2. E nwere myiri ma obu ndiche n’etiti mkpurudasusu Achi na

nke Igbo Izugbe?

3. Olee ihe mere mkpoputa mkpurudaasusu ndi Achi ufodu na

nke Igbo Izugbe jiri di iche?

4. Olee ebe usorodidiudaasusu Achi na nke Igbo Izugbe yiri na

ebe ha di iche?

5. Gini mere asusu ndi Achi ji enye otutu ndi ntorobia nsogbu

osusu?

6. O nwere mgbochiume di n’olundi Achi nke na-adighi n’Igbo

Izugbe?

7. Olee ntuputa olundi Achi mere ga-abara Igbo Izugbe uru?


Recent Project Materials

Abstract This project is carried out to design a website for small scale business, case study Normat Pharmac...
Word(doc) 1-5 Read More
Abstract The present system of the insurance companies is characterized by the manual method as a result se...
Word(doc) 1-5 Read More
Abstract INTERNET: As global connection of computers sited around the world forming huge network for informat...
Word(doc) 1-5 Read More
View More Topics

Browse by Departments